दसौं आहा गोल्डकप जावलाखेल सेमी फाइनलमा (जावलाखेल ३-१ थ्री सटार)

पोखरा, माघ २४ - 
 जित हात पार्ने तयारीमा प्रशिक्षणलाई विशेष जोड दिइन्छ । सीप र क्षमता 
निखार्ने प्रशिक्षणबिना प्रतिस्पर्धामा भिड्नु सजिलो हुन्न । ठीक त्यस्तै भयो, डिफेन्डिङ 
च्याम्पियन मेगा थ्री-स्टारलाई यसपल्टको आहा गोल्डकप । नियमित प्रशिक्षक र भरपर्दा 
खेलाडीसँगै तयारी नगरी मैदानमा उत्रेको थ्री-स्टारलाई सामसुङ जावलाखेल युथ क्लबले 
सजिलै पन्छायो ।

 पाँच पटकसम्म उपाधि चुमेको नेपाल पुलिसलाई हराएर नवौं संस्करणमा च्याम्पियन 
भएको थ्री-स्टारले 'ललितपुर डर्बी' मा जावलाखेलसँग मूल्य चुकाउँदै बाहिरियो ।
 जितसँगै जावलाखेल अन्तिम चारमा प्रवेश गर्‍यो । उसले फाइनल प्रवेशका लागि
 भारतको पुने एफसीसँग बुधबार खेल्नेछ । थ्री-स्टारका प्रशिक्षक मेघराज केसी, 
गोलकिपर किरण चेम्जोङ, डिफेन्डर विकाससिंह क्षेत्री र विराज महर्जन एएफसी 
च्यालेन्ज कपका लागि राष्ट्रिय टिमको प्रशिक्षणमा व्यस्त छन् ।यस्तोमा जावलाखेलले
 थ्री-स्टारलाई ३-१ ले सजिलै हरायो । दसौं संस्करणमा कुनै पनि खेल 
जित्नेले तीन गोल गरेको पहिलोपल्ट हो । सुरुआतदेखि नै थ्री-स्टारलाई दबाबमा राखेको 
जावलाखेललाई विशाल राई 'बी' ले ७६ औं मिनेटमा गोल गर्दै अग्रता दिलाए ।

विशाल राई 'ए' ले पेनाल्टी क्षेत्रबाहिरबाट उचाइ दिंदै मिलाएको बललाई 
विशाल 'बी' ले पेनाल्टी क्षेत्रबाट हेड गर्दै आकर्षक गोलमा रूपान्तर गरेका थिए ।
 त्यसको ८ मिनेटमै थ्री-स्टारका विक्रम लामाले गोल फर्काउँदै खेल १-१ मा पुर्‍याए ।
 अनिल ओझाले कर्नर नजिकैबाट हानेको फ्री किकमा विक्रमले विशाल 'बी' कै 
शैलीमा पेनाल्टी क्षेत्रबाट रोमाञ्चक गोल गरेका थिए । 
त्यसपछिको खेल रोमाञ्चक रह्यो । तर गोल निस्किएन । र, खेल अतिरिक्त 
समयमा धकेलियो । राष्ट्रिय लिगपछि आहाको तयारी गरेको जावलाखेलले ९९ औं
 मिनेटमा फेरि अग्रता लियो । पेनाल्टी क्षेत्रको ठीक बाहिरबाट विक्रम लिम्बूले 
प्रहार गरेको पि|mकिकमा थ्री-स्टारका गोलकिपर समित राजभण्डारीले नियन्त्रण
गर्न सकेनन् । त्यही बललाई नजिकैबाट सजिलै पोस्टको दिशा दिंदै विशाल राई 'ए' 
ले जावलाखेललाई २-१ ले अघि बढाएका थिए । 
उनी 'म्यान अफ द म्याच' घोषित भए । थ्री-स्टारमाथि हावी भएको जावलाखेलका
 लागि तेस्रो गोल विक्रमले एक सय आठौं मिनेटमा गरे । विशाल राई 'बी' ले 
फ्री किक मार्फत् मिलाएको अवसरलाई विक्रमले पेनाल्टी क्षेत्रनजिकबाट हानेको 
बल सुन्दर गोलमा परिणत भएपछि जावलाखेल ३-१ ले अघि बढेको थियो । 
खेलाडीले मिहिनेतसाथ उत्कृष्ट प्रदर्शन गरेकाले जित हात लागेको जावलाखेलका
 प्रशिक्षक किशोर केसीले बताए । उनको टिमले यही मैदानमा थ्री-स्टारलाई राष्ट्रिय 
लिगमा १-० ले हराएको थियो ।
 'परीक्षाको घडीमा सफल भयौं,' केसीले भने, 'एक गोल अन्तरले जित्ने 
आस गरेका थियौं । सोचेभन्दा सहज रह्यो । सेमिफाइनलमा अझ राम्रो खेल्नेछौं ।'

  जावलाखेल ३-१ थ्री-स्टार (अतिरिक्त समय)

थ्री-स्टार

जावलाखेल


आजको खेल 
पुलिस विरुद्ध मनाङ-मर्स्याङ्दी

साभार इकान्तिपुर
फोटो  गोलनेपाल

धन्यवाद!

Posted in: खेलकुद,यताउता बाट